Eth pròplèu dijaus 21 de mai, eth cap-lòc deth Baish Camp, acuelherà peth prumèr còp era Hèira Litterarum. Eth Centre de Cultura de Reus serà eth lòc a on se desvoloparàn diferentes activitats ath torn dera figura der escrivan e activista malhorquin Josep-Maria Llompart (1925-1993), escritor der an 2025 entath Govèrn Balear e era Institucion des Letres Catalanes. As 18.00 ores s’inaugurarà era exposicion “Constel·lació Llompart” damb preséncia de Daniel Recasens, còsso de Cultura der Ajuntament de Reus, Rubén Biarnés, baile de Móra d’Ebre, Empar Font, presidenta deth Centre, e Lluís-Xavier Flores, director de Litterarum. Ara seguida, era professora Pilar Arnau, presentarà eth sòn libre Mentre em resti un bri d’alé, biografia de Llompart redigida per era madeisha, en companhia deth professor Josep Murgades (UB). Fin finau, e dempús d’un refrigeri, era companhia malhorquina La Fornal d’Espectacles representarà era òbra “Llompart, una vida, un herència”. Era entrada as actes ei gratuïta.
