Eth passat diuendres 22 de mai, era Bibliotèca Marcel·lí Domingo de Tortosa e era d’Artur Cot de Móra d’Ebre acuelheren era presentacion dera biografia deth malhorquin Josep-Maria Llompart, Mentre em resti un bri d’alè, dera filològa e professora valencianomallorquina Pilar Arnau. En toti dus casi, eth filològ Josep-Lluís Carod-Rovira, amic de Josep-Maria Llompart, participèc en tot ponderar era òbra d’Arnau e en tot mantier un interessantíssim dialòg damb era autora. A banda des nombroses anecdòtes, ambdús estudiosi reivindiquèren era òbra e eth compromís d’aguest illustre malhorquin, dinamizador des letres baleares en epòca dera Dictadura franquista e es prumèrs ans dera autonomia, eth quau siguec declarat er an passat Escrivan der An pes institucions catalanes e baleares. En cas de Tortosa, assistic ara presentacion Pilar Caballé, còssa de Politica Lingüistica, e a Móra d’Ebre, baile e còssa de Cultura. Egalaments, eth director de Litterarum e es directores des dues bibliotèques i sigueren presentes.
