Empar Pònt, dèc era benvenguda a toti es assistents e as autoritats, que i auie, entre eri Daniel Recasens, còsso de Cultura de Reus, Montse Pineda, còssa de Cultura de Móra d’Ebre, era professora Pilar Arnau, eth professor Josep Morgades, era bibliotecària Montserrat de Anciola, era llibrera Montsant Fonts, eth director dera Hèira, Lluís-Xavier Flores e bèri familhaus alunhadi de Llompart. Recasens e Flores destaquèren era importància de trabalhar en conjunt entà projectar Litterarum coma ua hèira deth territòri e de referent ena difusion de productes escenicoliteraris en catalan. Posterioraments, s’i ahigec eth baile de Móra d’Ebre, Rubén Biarnés. Es actes comencèren damb ua visita guidada ara exposicion “Constel·lació Llompart” a cargue de Pilar Arnau, biògrafa de Llompart, era presentacion deth sòn libre Mentre em resti un bri d’alè per era madeisha e eth professor Morgades e fin finau, era actuacion dera companhia teatrau La Fornal Espectacles de Malhòrca que representèc ena Sala Emili Argilaga “Llompart, una vida, una herència”, òbra basada ena vida d’aguest poèta e activista malhorquin, dirigida per Joan Gomila.
