Es ajuntaments de Morella (Pòrts) e Calaceit (Matarranya) tornen a renauir eth sòn compromís damb era Hèira Litterarum e programaràn activitats ena sua 19au edicion. Eth cap-lòc des Pòrts, en País Valencian, acuelherà es prumèrs actes d’enguan, eth dijaus 30 d’abriu, e eth cap-lòc culturau deth Matarranya, en Aragon, es dies 15 e 16 de mai. Es còssos de Cultura Ruth Martínez (Morella) e Isel Monclús (Calaceit) an acordat damb eth director de Litterarum patrocinar, entre autes, dus concèrts, eth deth valencian Vicent Torrent e eth dera algueresa Claudia Crabuzza, respectivaments. Atau madeish, Daniel Recasens, còsso de Cultura de Reus, a sostengut ara hèira e eth cap-lòc deth Baish Camp acuelherà un espectacle sus eth escrivan malhorquin Josep-Maria Llompart, entre autes activitats.
