Eth director de Litterarum s’amasse damb representants der Institut Ramon Llull, l’Associació d’Escriptors en Llengua Catalana (AELC) e era entitat Espais Escrits

Damb er objectiu de cercar naues aliances e agranir un major nombre de public e prepauses, Lluís-Xavier Flores, director dera Hèira Litterarum s’amassèc eth passat 2 e 26 de hereuèr en Barcelona damb representants d’aguestes institucions e entitats culturaus. Entre es propòstes sometudes i a era de recuperar era preséncia d’estudiants de catalan/valencian ena Hèira, presents enes edicions de 2019 e 2020. Atau madeish, s’a artenhut qu’era AELC participi as actes dera hèira en Calaceit e qu’Espais Escrits. Xarxa de Patrimoni Literari Català patrocini un espectacle literari-musical entara edicion d’enguan en Móra d’Ebre.