Eth passat dijaus 30 d’abriiu, damb preséncia deth tinent-baile e còssa de Cultura der Ajuntament de Morella, Javier Amela e Ruth Martínez, e era deth director de Litterarum, Lluís-Xavier Flores, eth president dera comission” Any Almela i Vives”, Àngel Calpe, membre dera Acadèmia Valenciana de la Llengua (AVL) s’inaugurèc era exposicion d’aguest escrivan vinarossenc, Escrivan Valencian de 2026, acte que iniciaue era Hèira Litterarum en Morella, per dusau an consecutiu. Ara seguida, eth comissari Josep Palomero (AVL) e eth professor Lluís Messeguer (Universitat Jaume I) expliquèren era exposicion e era figura d’Almela, e en acabar, se dèc pas, jos era coordinacion d’Ernest Querol (Centre d’Estudis dels Ports) e Vicent Sanz (Maestrat Viu), dera presentacion des darrères publicacions des escrivans Marta Tena (la Sénia), Fèlix Edo (Vilafranca), Josep Santesmases (Baish Gaià), Vicent Torrent (Torrent) atau coma des darrèri numèros des revistes Saó e L’Empelt de Maestrat Viu. Fin finau, eth nombrós public assistent qu’aucupaue era Sala del Justícia, ua seishantau de persones, gaudic der espectacle “Racons i cançons” deth cantautor Vicent Torrent, que s’acompanhèc dera sua arrèhilha e deth guitarriste Toni Porcar.
