Damb un talhèr de chapes coordinat per David Garcia, comissari dera exposicion “Literatura i cançons” dera Universitat d’Alacant, e dirigit as escolans deth CRA Matarranya s’inicièren es actes oficiaus de Litterarum 2026 en Calaceit, per dusau an consecutiu. De tarde, era inauguracion dera mencionada exposicion ena libraria De Bat a Bat a cargue d’Isel Monclús, còsso de Cultura der Ajuntament de Calaceit, Lluís-Xavier Flores, director de Litterarum, e David Garcia Sirvent, comissari dera exposicion, amassèren ua trentea de persones, entre es que i auie David Insa, còsso de hèstes de Calaceit, Paco Celma, baile de la Torre del Comte, Ana Isabel Soriano e Celia Badet, dera Associació Cultural del Matarranya, es libretèrs Ricard Solana e Mercè Gimeno,… David Garcia hec ua visita guidada ara exposicion, que se poderà visitar en De Bat a Bat enquiath dimars 26 de mai. Dissabte e dimenge seguiràn es actes en a capitau culturau deth Matarranha damb diferentes activitats coma un vermut literari, era presentacion de libres e dus concèrts, eth dera algueresa Claudia Crabuzza, de tarde, e eth dera companhia aragonesa La Chaminera, ja dimenge as 13.00 ores.
