Eth passat dissabte 14 de març, eth director de Litterarum siguec present ena “75ª Nit de les Lletres Catalanes”, eretièra dera “Nit de Santa Llúcia”, que se celebrèc en Musèu Nacionau d’Art de Catalonha, en Barcelona. Ena gala, convocada peth prumèr còp per Òmnium Cultural e er Institut d’Estudis Catalans, se liurèc ua dotzena de prèmis literaris e siguec retransmetuda peth canau de television 3Cat. Lluís-Xavier Flores coïncidic damb Dolors Roo, presidenta d’Òmnium Tèrres de l’Ebre e eth libretèr Sergio Bassa de Llibreria Bassa de Móra d’Ebre.
