Móra d’Ebre, 20 d’abril de 2026
Acompanhat de Ruben Biarnés, baile de Móra d’Ebre, Daniel Recasens, còsso de Cultura de Reus, Javier Amela, tinent-baile de Morella e Isel Monclús, còsso de Cultura de Calaceit, eth director de Litterarum 2026, eth valencian Lluís-Xavier Flores, a presentat, aué deluns, en Teatre La Llanterna de Móra d’Ebre, era programacion d’aguesta Hèira enes tres subsedences d’enguan.
Litterarum, mèrca qu’englobe era Hèira d’Espectacles Literaris en catalan e aranés, e tanben era 23au “Fira del Llibre Ebrenc” de Móra d’Ebre, aufrís en aguesta 19au edicion coma hèira scenica ua programacion artistica qu’arribe tant as tres subsedences, Morella (els Ports, País Valencian), Calaceit (Matarranya, Aragon) e Reus (Baix Camp, Catalonha) coma era localitat centrau, Móra d’Ebre. Ath delà ath delà, enguan s’an programat dus petiti actes literaris en Tortosa e en Tivenys.
Es representants de Morella, Calaceit e Reus an destacat qu’era Hèira d’espectacles literaris arribi per miei de produccions sceniques e de carrèr, exposicions e presentacion de publicacions as sues localitats, pròplèus a Móra d’Ebre, e concrètaments, que se hèsque present en Aragon, en País Valencian e s’agranisqui ath sud de Catalonha. Recasens, de Reus, a arregraït ath director e ath baile de Móra d’Ebre aguesta vision territoriau, integradora e necessària, coma un des grani trèti definitoris d’ua hèira que difon era lengua e literatura comuna en toti es territòris catalanòfoni en plan d’igualtat, e Amela e Monclús an coïncidit a mostrar eth supòrt a acuélher actes de Litterarum en Morella e Calaceit, pr’amor que refortilhen es sues politiques culturaus e escomesa pes hèires literàries.
Era 19a Hèira Litterarum començarà es activitats oficiaus aguest dijaus 30 d’abriu en Morella, que s’a previst era actuacion deth cantautor valencian Vicent Torrent (grup Al Tall). Li seguirà Calaceit, qu’eth dissabte 16 de mai viuerà era sua jornada centrau damb ua amassada dera Associació d’Escriptors en Llengua Catalana e era actuacion dera cantautora Claudia Crabuzza de l’Alguer (Itàlia), e eth dijaus 21 de mai arribarà en Reus, a on era companhia malhorquina La Fornal presentarà era òbra “Llompart, una vida, una herència”. Enes tres localitats, s’an previst presentacions de libres e inauguracion d’exposicions sus escrivans e cantautors en catalan/valencian.
Flores a destacat “era transcedència qu’administracions de tot er encastre lingüistic catalanovalencià se junhen en ua hèira qu’afraire a tota era Catalanofonia e que hè possible que localitats petites e mejanes gaudisquen, per exemple, de produccions vengudes de l’Alguer, Andòrra o era Catalonha Nòrd”. Atau madeish, Biarnés, a remercat “er ampliament de patrocinadors dera Hèira damb naui ajuntaments e era sua internacionalizacion damb era incorporacion enguan deth Govèrn d’Andòrra”.
En Móra d’Ebre, es actes de Litterarum 2026, concrètaments dera 19a Hèira d’Espectacles e dera 23a Hèira deth Libre Ebrenc, s’iniciaràn eth dimèrcles 27 de mai e duraràn enquiath dimenge 31.
