Eth cantaire, musician e escrivan valencian Vicent Torrent, membre deth grop Al Tall presentarà eth sòn darrèr libre Totes les cançons ena Llibreria La Irreal de Tortosa, as 20.00 ores. Posterioraments, damb era coordinacion dera Hèira Litterarum e eth supòrt d’Òmnium Cultural Ebre, Dillums Arts, ANC, Espai de So, Rondalla dels Ports e Panxampla s’a organizat un Sopar-Aumenatge ath Forn de la Canonja, a on i aurà parlaments e diuèrses actuacions sorpresa de cantautors e formacions musicaus. Atau madeish, representants de bèri grops politics des Tèrres der Ebre i an confirmat era sua preséncia, coma eth baile e còssa de Cultura de Móra d’Ebre, eth còsso de Cultura de Tortosa, eth baile de Tivenys, entre d’autes. Vicent Torrent, ara ja retirat, siguec coordinador dera Fonoteca de Materials e es Tallers de Música Popular dera Generalitat Valenciana e, en 2023, eth sòn nòm siguec retirat dera denominacion oficiau der Auditori de Torrent (Horta, País Valencian) en ua polemica decision der Ajuntament, governat peth PP damb supòrt de VOX.
