Eth pròplèu dissabte 16 de mai, ara 20.00 h, en teatre La Germandat, actuarà era cantautora Claudia Crabuzza e era acordionista Dilva Foddai de l’Alguer (Sardenha, Itàlia) en marc des actes de Litterarum Calaceit. Eth sòn espectacle “Recordant Pino Piras”, d’entrada liura, mos aproparà ara òbra poetica d’un des maxims representants dera literatura en alguerés en aguesta ciutat sarda catalanofona, que moric prematurament er an 1989. Aqueth madeish dia, as 18.00 ores se presentaràn tres publicacions sus era navegacion fluviau en Mequinensa e Faió, un atlàs illustrat dera Catalonha Nòrd e es darrères publicacions en catalan alguerés der Ofici Lingüístic de l’Alguer a cargue der aragonés Hèctor Moret, era catalano-andorrana Míriam Almarcha e era algueresa Claudia Crabuzza, respectivaments. De maitin, tanben ara libraria De Bat a Bat i aurà un vermut literari damb autors e autores en catalan dera Franja Oriental d’Aragon. Ath sendemà, dimenge, acabaràn es actes programadi dera Hèira Litterarum en Calaceit damb er espectacle familhau “D’ací, d’astí e d’allà” dera companhia La Chaminera.
