Litterarum 

Se t’apassione liéger e víuer era cultura, aguest ei eth tòn lòc

Cada an, en Móra d’Ebre, es libres cruben vida a trauès de presentacions e tanben dera scèna. Litterarum t’invite a víuer era literatura occitana e era literatura catalana d’ua manèra viua, propdana e creativa. Se t’agrade liéger, viatjar damb era imaginacion o descorbir autores e autors a trauès deth teatre, era musica, era dança, eth circ, eth cinèma, es naues tecnologies o es performances, aguest ei eth tòn scenari.

Des des trobadors e trobairitz o Ramon Llull enquia Isabel-Clara Simó o Max Roqueta, en tot passar per Enyego d’Àvalos, Maria-Antònia Oliver, Enric Casasses, Jesús Moncada, Mercè Rodoreda, Vicent Andrés Estellés, Pasqual Scanu, Joan-Lluís Lluís o Montserrat Roig, es tèxtes se transformen es espectacles que emocionen e conviden a compartir era paraula escrita de manèra collectiva e vivencial.

Tant s’ès un/ua lector/a abituau com s’encara non as trobat eth tòn libre preferit, en Litterarum descorbiràs ua auta forma de connectar damb era literatura: mès scenica, mès viua, mès entà tu.